كتبه المهندس حسام الباشا، مؤسس مَوسِم 6 دقايق قراءة
الإكسيل بيشتغل لما…
عدد الموردين قليل، وشخص واحد بيسجل، والأرقام بسيطة، ومفيش عهدة ولا مخازن خارجية.
وبيخون لما…
- يزيد عدد الفلاحين والعملاء
- يبقى فيه أكتر من موظف بيسجل
- تحتاج تعرف ربح كل شحنة
- العهدة والمخازن الخارجية تدخل في الحساب
- ملف يتبوّظ أو يتعدّل غلط ومحدش ياخد باله
تكلفة الخطأ الصامت
أخطر حاجة في الإكسيل إن الغلط ميبانش. خانة اتمسحت أو صيغة اتكسرت، والأرقام بتفضل بتطلع شكلها منطقي. مفيش حد يقولك إن في حاجة غلط.
اللي بيتغير مع البرنامج
الأرقام بتتبني من نفس البيانات: رصيد الفلاح والعميل والمخزون والربح. محدش بيدخّل نفس الرقم مرتين، والفاتورة اللي اتحفظت متتعدلش، والتصحيح بيتم بمرتجع، فالأرقام ثابتة وقدامك.
ابدأ من غير ما تقفل الإكسيل
ممكن تبدأ بالأرصدة الافتتاحية للموردين والعملاء والمخزن، وتكمل في البرنامج. الإكسيل يفضل أرشيف للموسم اللي فات.
مَوسِم بيعمل إيه هنا
مَوسِم مترتب على دورة التاجر: شراء، تخزين، بيع، تقارير، وفيه تقرير ربحية الشحنات بيعرض ربح كل عميل. وتقدر تعمل حساب شركتك وتبدأ بنفسك.
شوف الشرح على الشاشة
فيديو 01
إنشاء حساب جديد لشركتك
تعمل حساب شركتك في أقل من دقيقة.
أسئلة بتتسأل
أنقل كل داتا الإكسيل؟
مش لازم. ابدأ بأرصدة أول المدة للموردين والعملاء والمخزن، وكمّل من هنا.
هل لازم أتعلم برنامج معقد؟
لأ. فيه فيديوهات شرح بالمصري على القناة بتمشي معاك من إنشاء الحساب.
إمتى أعرف إن الإكسيل مبقاش كفاية؟
لما تحتاج تعرف ربح كل شحنة، أو تتابع عهدة ومخازن خارجية، أو يبقى فيه أكتر من موظف.
برنامج حسابات تاجر الفراولة
برنامج حسابات لتاجر الفراولة: رصيد كل فلاح، فواتير شراء وبيع، عهدة الكراتين، وتكلفة وربح كل شحنة في نفس اللحظة. بالعربي ومن الموبايل.
