كتبه المهندس حسام الباشا، مؤسس مَوسِم 6 دقايق قراءة
الأصناف والتعبئة
عرّف الأصناف ومواد التعبئة (كراتين، برانيك، ستيكر) قبل أول توريدة. اتأكد إن كل صنف ليه وحدة قياس وتعبئته صح، لأن ده اللي بتتحسب عليه التكلفة.
الموردين والعملاء
ضيف الفلاحين والمستوردين والتجار، وسجّل أي رصيد ماشي من الموسم اللي فات. كل مورد ليه حساب من أول يوم.
العهدة
سجّل الرصيد الافتتاحي للكراتين والبرانيك اللي عند الموردين والعملاء والمخازن الخارجية. من غير ده، أول جرد هيطلع فيه فروق.
الخزن والمصروفات
حدد الخزن (كاش وبنك) وسجّل رصيدها الافتتاحي. وجهّز بنود المصروفات اللي هتتكرر: عمالة، نقل، كهرباء.
المستخدمين والصلاحيات
ضيف الموظفين، وحدد كل واحد يشوف إيه. المحاسب يشوف الحسابات، وأمين المخزن يشوف المخزن، والسواق يسجل من الموبايل.
جرّب دورة كاملة
قبل ما الموسم يبدأ، اعمل دورة تجريبية: شراء، تخزين، بيع، تقرير. لو ظهرت مشكلة في الإعداد، تلاقيها قبل ما تبقى فلوس.
شوف الشرح على الشاشة
فيديو 03
إعدادات الشركة والمستخدمين
تضيف موظفينك وتحدد كل واحد يشوف إيه.
فيديو 04أ
خريطة المنتجات
الصنف والتعبئة والكرتونة، إزاي بيترتبوا.
فيديو 05
الموردين والعملاء
حسابات الفلاحين والمستوردين والتجار.
أسئلة بتتسأل
ابدأ بإيه الأول؟
الأصناف ومواد التعبئة. كل حاجة بعد كده بتعتمد عليها.
لازم أسجل أرصدة الموسم اللي فات؟
أيوه للموردين والعملاء والعهدة والخزن، عشان الحسابات تبدأ مظبوطة.
فين ألاقي شرح الخطوات؟
في قسم اتعلم مَوسِم على الموقع وعلى قناتنا، فيه فيديوهات للأصناف والموردين وإعدادات الشركة.
برنامج حسابات محطة فرز وتعبئة
برنامج حسابات محطة الفرز والتعبئة: استلام، تقميع، عهدة كراتين، براد ومخازن خارجية، وتكلفة كل ناتج. مرتب على شغل المحطة بالعربي.
